Slagoffer van aanval op plaas ter ruste gelê
2011-10-30 18:16
Johannesburg – ‘n Veertienjarige seun, wat na bewering deur ‘n boer naby Groblersdal geskiet is, is Sondag by Nel se Boerdery begrawe, het SABC nuus berig.
Alzira Mbangini en nog ‘n 17-jarige is na bewering verlede Dinsdag deur die boer Pieter Swart (57) geskiet.
Mbangini het gesterf en die ander jeugdige is beseer.
Volgens lt. kol. Ronel Otto het die seuns en twee ander by ‘n dam op die plaas visgevang toe die skietery plaasgevind het. Die ander twee seuns is ongedeerd.
Swart het Vrydag in die Groblersdal-landdroshof verskyn en is op borgtog van R5 000 vrygelaat.
Die SABC het berig Mbangini, wie se ma ‘n Mosambiekse burger is, kon nie in dié land begrawe word nie omdat daar ‘n vertraging in die verkryging van die nodige dokumente was.
Swart sal na verwagting weer op 12 Desember in die hof verskyn.
- Volg Nuus24 op Twitter
- SAPA