Skoolkind met speel-geweer beroof
2010-02-12 14:32
Johannesburg – ‘n 18-jarige meisie is Vrydagoggend in Soweto deur drie mans met ‘n speelgoedgeweer beroof terwyl sy op pad was skool toe, het die polisie gesê.
Volgens insp. Kay Makhubela, polisiewoordvoerder, was die meisie in Zola Uitbreiding 3 toe die mans haar met die speelgoedgeweer aangehou het.
“Hulle het gevra vir haar besittings en sy het haar selfoon, juweliersware, horlosie en beursie aan hulle gegee,” het Makhubela gesê.
Die meisie het huis toe gehardloop nadat die mans haar laat gaan het en vir haar familie vertel wat gebeur het.
“Die familie het hulle met ‘n motor gejaag en een van die rowers in die straat gevang.”
Hulle het die wapen by hom gevind en dit was ‘n speelgoedgeweer.
Gedurende sy ondervraging het die verdagte aan die polisie gesê waar sy makkers was en hulle is kort daarna in Zondi in Soweto in hegtenis geneem.
“Die polisie het die gesteelde besittings by hulle gevind,” het Makhubela gesê.
Die verdagtes het geen ander wapens by hulle gehad nie.
Die mans, tussen die ouderdomme van 23 en 26, sal Maandag in die Protea landdroshof verskyn op klagtes van gewapende roof en die besit van gesteelde goedere.
- Sapa