Skoolhoof, onnies vas oor verkragting

2010-02-25 09:19

Bloemfontein - 'n Vrystaatse onderwyser is in hegtenis geneem ná die beweerde verkragting van 'n 16-jarige leerder.

Die skoolhoof en sy adjunk is ook in hegtenis geneem omdat hulle nie die voorval aangemeld het nie.

Die leerder is glo vroeër vandeesmaand gedurende skoolure in die stoorkamer van die hoërskool Kopanang-Hlanganani in Warden verkrag.

Sy het die beweerde verkragting by die skoolhoof aangemeld en is toe na die adjunkhoof gestuur.

Die adjunkhoof het haar gesê om nie die voorval aan te meld nie.

Charles Raseala, 'n woordvoerder van die Vrystaatse departement van onderwys, het gesê die meisie se ouers het die misdaad by die polisie aangemeld waarna die onderwysers in hegtenis geneem is.

Raseala het gesê die departement is besig met dissiplinêre stappe teen die skoolhoof en sy adjunk en die onderwyser is sedertdien geskors.

– Times Live
 

Gee jou mening oor hierdie gesprek - lewer hieronder kommentaar