Skoolhoof geskors oor molestering
2009-10-01 20:28
Johannesburg - 'n Gautengse skoolhoof is geskors nadat hy twee matriekmeisies by die Hoër Volkskool Heidelberg molesteer het.
Theuns Botha is verlede maand in die Benoni-landdroshof skuldig bevind aan dié oortredings.
Mbela Phetlhe, woordvoerder vir die departement van onderwys, het gesê Botha is Donderdag per brief van sy skorsing in kennis gestel.
"Die departement beskou dié misdaad in 'n ernstige lig en het daarom besluit om Botha met onmiddelike effek te skors hangende 'n ondersoek en 'n moontlike dissiplinêre verhoor."
Phetlhe het gesê die departement is van mening dat Botha se teenwoordigheid by die skool 'n risiko vir die ander skoolmeisies inhou.
Botha is as 'n voorsorgmaatreël geskors, met volle betaling, tot die ondersoek en moontlike stappe teen hom gefinaliseer is.
– Sapa