Skoolhoof geskors ná hy glo verkrag

2009-10-05 10:17

Durban - 'n Skoolhoof is geskors nadat hy in hegtenis geneem is vir die verkragting van sy 15-jarige niggie.

Mbali Thusi, 'n woordvoerder van die departement van onderwys in KwaZulu-Natal, het gesê die skoolhoof van die Nongoma-skool in Zululand is geskors ná hy verlede Donderdag in hegtenis geneem is.

Die skoolhoof het Vrydag vlugtig in die Nongoma-landdroshof verskyn. Die saak is tot Woensdag uitgestel vir 'n borgtogaansoek.

The Sowetan het Maandag berig dat die meisie die skoolhoof se niggie is.

– Sapa