Skool vir blindes sit sonder braille-boeke

2012-07-25 21:27

Johannesburg – Onderwys-owerhede het die uitdeel van gewone skoolboeke aan 'n skool vir blindes in die Limpopo-provinsie verdedig.

Die boeke is eintlik bedoel vir leerlinge met swak sig, het 'n woordvoerder vir basiese onderwys, Hope Mokgatlhe, Woensdag gesê.

"Ons wil graag herhaal dat skole vir blindes wel gewone boeke ook ontvang vir dié leerders wat versiende of bysiende is."

Die Siloe-skool vir blindes buite Lebowakgomo in die Limpopo-provinsie, het onlangs gewone skoolboeke ontvang in plaas van die braille-boeke waarvoor die skool gevra het.

Mokgatlhe het gesê oorspronklike eksemplare vir Graad een tot drie in Afrika-tale word tans deur die Pioneer-drukkery in braille omgesit.

Volg Nuus24 op Twitter.

- SAPA