Skietery by hospitaal
2009-08-12 08:29
Johannesburg- ‘n Sekuriteitswag is Woensdagoggend by die Nelson Mandela Akademiese Hospitaal beseer toe gewapende mans by die dokters se kwartiere ingebreek het.
Volgens Supt. Mzukisi Fatyela, polisiewoordvoerder, het vier gewapende mans die hospitaal se perseel in Mthatha omstreeks 02:00 betree en op die sekuriteitswag begin skiet.
Die mans het glo met DVD-spelers, televisies en rekenaars gevlug.
Niemand is nog in hegtenis geneem nie, maar volgens Fatyela volg die polisie leidrade op.
“Daar is ‘n groep jong, gewapende mans wat betrokke is by ‘n reeks inbrake in die area,” het hy gesê.
Die sekuriteitswag sterk in die hospitaal aan.
–Sapa