Skag by Amplats glo afgebrand

2012-10-30 13:16

Johannesburg – Anglo American Platinum by Rustenburg in die Noordwes se Jabula-skag is volgens berigte deur stakende mynwerkers afgebrand.

RSG berig die gebeure volg nadat Amplats 'n ultimatum om terug te keer werk toe, aan die werkers gerig het.

Die mynreus het vroeër 12 000 werkers afgedank. Hulle sou na verwagting vandag weer aangestel word.

Stakende werkers het strate met klippe en brandende bande versper waarna die polisie hulle uiteengejaag het.

AFP het vroeër berig polisiebeamptes het rubberkoeëls, traangas en skokstokke gebruik om die stakers uitmekaar te jaag.

Die brand is onder beheer.

Volg Nuus24 op Twitter