Skaatsplank-waaghals word nie vervolg
2013-02-13 08:48
Johannesburg – ‘n Skaatsplankryer wat opslae gemaak het toe hy teen ‘n hoë spoed by Kloofnekweg in Kaapstad afgery het, sal nie vervolg word nie, het The Star Woensdag berig.
Merle Lourens, woordvoerder vir die stad se verkeersdepartement, het aan die koerant gesê Decio Lourenco sal nie vervolg word nie, aangesien die video, wat op YouTube geplaas is, nie as bewysstuk gebruik kan word nie.
“Ons kan hom nie vervolg nie. Ons kan dit nie as bewys gebruik nie. Vir al wat ons weet kon die video aangepas gewees het.”
Lourenco (24) is onlangs opgeneem terwyl hy by die besige Kloofnek-weg in Kaapstad met sy skaatsplank afgery het. Hy het 'n spoedkamera, wat op 'n spoed hoër as 60 km/h ingestel is, laat afgaan.
Lourens het bygevoeg dat die stad ‘n verkeersboete sal stuur aan die eienaar van die motor wat die waaghals afgeneem het.
– Volg Nuus24 op Twitter
- SAPA
