Simelane nie meer by NVG

2012-12-05 07:59

Johannesburg – Die beleërde voormalige nasionale direkteur van openbare vervolging (NDOV), Menzi Simelane, het nie meer bande met die nasionale vervolgingsgesag (NVG) nie, het 'n berig Woensdag gelui.

"Hy werk nie meer in enige kapasiteit vir die NVG nie," het Bulelwa Makeke, 'n woordvoerder, aan The Times gesê.

Makeke wou geen verdere inligting verstrek nie.

Die konstitusionele hof het in Oktober 'n uitspraak deur die appèlhof bekragtig dat pres. Jacob Zuma se besluit om Simelane as die NDOV aan te stel, ongeldig was.

Nomgcobo Jiba is ná die uitspraak as waarnemende NDOV aangestel, maar geen verdere besluit oor Simelane se posisie is aan die publiek bekend gemaak nie.

– Volg Nuus24 op Twitter.

- SAPA