Siekte wat broers eis geïdentifiseer
2010-09-10 16:12
Johannesburg – ‘n Sindroom wat verband hou met die Epstein Barr-virus is geïdentifiseer as die oorsaak van twee broers se dood in die Olivedale-hospitaal, het die hospitaal Vrydag gesê.
“Die siekte wat onlangs twee broers se lewens by die Netcare Olivedale-hospitaal geëis het, is gediagnoseer,” het Robert Jordaan, algemene bestuurder van die hospitaal, gesê.
“Soos baie mense weet, is die Epstein Barr-virus (wat klierkoors veroorsaak), ‘n baie algemene siekte wat 95% van mense in vroeë volwassenheid opdoen,” het Jordaan professor Lucille Blumberg van die Nasionale Instituut vir Oordraagbare Siektes aangehaal.
“Dit is tipies ‘n matige, self-beperkte siekte wat geen nadelige oorsake het nie. Party mense herstel volkome daarvan.
“In uitsonderlike gevalle , in ‘n baie klein hoeveelheid mense, lei dit tot ‘n sindroom wat ‘n disproporsionele reaksie tot die Epstein Barr-virus het en wat gevolglik daartoe lei dat organe ingee.”
Die sindroom raak minder as een miljoen individue met die Epstein-Barr-virus infeksie.
Mense wat in kontak met die broers was is in geen gevaar nie en kontak-monitering is gestaak.
Volg Nuus24 op Twitter
- SAPA