Shoprite moes hoes ná bokse op vrou val
2012-02-02 13:55
Johannesburg – ‘n Oos-Kaapse vrou het R100 000 van Shoprite/Checkers ontvang nadat ‘n boks gevriesde groente op haar geval het, het Dispatchonline Donderdag berig.
Die hooggeregshof in Port Elizabeth het 'n eis van R100 000 aan die 46-jarige Delene Minnie Adams toegestaan nadat sy die winkelgroep oorspronklik vir R300 000 gedagvaar het.
‘n Toring bokse met gevriesde groente het in Junie 2008 in een van die winkelgange in die Shoprite in Cleary Park omgeval en het Adams, wat van Port Elizabeth is, op die skouer getref.
Adams het beweer dat werkers van Shoprite nalatig was, aangesien hulle nie die groentebokse weggepak het of mense gewaarsku het om versigtig te wees nie.
Dokters het getuig dat Adams nekspiere beseer het, sowel as gevoeligheid in haar gewrigte, spiere, senings en ander weefsel opgedoen het. Sy het beperkte beweging van haar regter skouer en nek ervaar, sowel as skouerspasmas en pyn in haar regterskouer.
Die ma van drie het by ‘n battery-fabriek gewerk en bring die grootste deel van haar dag op haar voete deur.
Sy kon nie meer swaar pakkies dra of sekere huishoudelike take uitvoer nie.
Die koste van toekomstige mediese uitgawes en algemene skade sou deur die hof bepaal word.
– Volg Nuus24 op Twitter
- SAPA