Shiceka 'vertraag' OB-verslag
2011-09-15 09:41
Johannesburg – Die kantoor van die openbare beskermer (OB) het Sicelo Shiceka, minister van samewerkende regering, daarvan beskuldig dat hy 'n ondersoek na korrupsie vertraag.
Shiceka het vroeër vandeesweek gesê hy kan nie terugkeer werk toe voor die verslag nie afgehandel is nie. Hy is al die afgelope sewe maande op betaalde siekteverlof.
Adv. Thuli Madonsela, OB, het gesê die verslag is vertraag omdat Shiceka weier om sy samewerking te gee.
"Hy was nie beskikbaar vir 'n onderhoud nie en kon nie die inligting wat sy soek, verskaf nie," het Kgalalelo Masibi, Madonsela se woordvoerder, gesê.
Die presidensie het Woensdag gesê hy sal kommentaar lewer wanneer die ondersoek afgehandel is.
– Lees meer hier
– Volg Nuus24 op Twitter