Sexwale se kaper gevonnis
2009-08-05 09:58
Johannesburg – Die man wat Judy Sexwale in 2007 gekaap het is tot 15 jaar tronkstraf gevonnis in die landroshof in Johannesburg.
The Star het berig dat Mbuso Simelane reeds twee jaar in die tronk spandeer het terwyl hy gewag het vir sy saak om afgehandel te word.
Dit kom nadat Simelane se saak sowat 21 keer uitgestel is terwyl hy sowat 7 keer van prokureurs verander het.
Die landdros, Renier Boshoff, het geen simpatie getoon toe hy Simelane gevonnis het nie. Na bewering het Boshoff aan Simelane gesê dat hy mense skade aangedoen het wat nooit dieselfde aan hom sal doen nie.
Tokyo Sexwale was ook teenwoordig in die hof. Hy is gesien waar hy die beskuldigde se ma getroos het.
–Sapa