Sexwale se getuienis ‘vertroulik’
2011-10-15 17:47
Kaapstad – Tokyo Sexwale, minister van menslike nedersettings, het Saterdag tydens Julius Malema, ANC-jeugligaleier, se tugverhoor by die ENB-stadion getuig.
“Mnr. Sexwale is deur die verdediging as ‘n getuie geroep,” het Keith Khoza, woordvoerder van die ANC, gesê.
Volgens hom is Sexwale se getuienis vertroulik en mag hy niks bekendmaak al het hy geweet nie.
Die tugverhoor van Malema sal weer op 26 Oktober hervat word wanneer die laaste getuies na verwagting sal getuig, het Khoza gesê.
“Die verhoor sal na die 26ste uitgestel word. Ons is nog nie seker vir hoe lank nie,” het hy gesê.
Slotbetoë en aanbevelings aan ANC-beamptes sal daarna plaasvind.
Dit is nog nie bekend wie tydens die volgende sitting sal getuig nie.
“Die verdediging het nog nie bekendgemaak wie op die 26ste sal getuig nie. Ons weet ook nie hoeveel mense gaan kom nie.
Op ‘n vraag of die ANC-veteraan, Winnie Madikizela-Mandela, en Tony Yengeni, ANC-swaargewig, ook gevra sal word om te getuig, het Khoza gesê daar is spekulasie maar nog geen bevestiging nie.
Malema, Floyd Shivambu, Sindiso Magaqa, Ronald Lamola, Pule Mabe en Kenetswe Mosenogi is die ANCYL-lede wat verskeie dissiplinêre aanklagte in die gesig staar.
Onder meer is hulle aangekla ná opmerkings dat die ANCYL sou help om ‘n bewindverandering in Botswana te bewerkstellig.
Malema was nie Saterdag by die verhoor teenwoordig nie nadat hy vroeër vandeesmaand vir “griepsimptome” behandel is.
– Volg Nuus24 op Twitter.
- SAPA