Sewentien kinders beseer in brand
2010-07-14 20:33
Johannesburg – Sewentien kinders het ernstig verbrand toe hulle probeer het om ‘n veldbrand naby Bela-Bela te blus, het die polisie Woensdag in Limpopo gesê.
Die kinders het Dinsdag sokker by Vingerkraal gespeel toe die brand omstreeks 17:30 uitgebreek het, het kol. Motlafela Mojapelo gesê.
“Die kinders het glo probeer om die brand te blus, maar die wind was te sterk,” het hy gesê.
Die kinders is na ‘n hospitaal geneem.
Die SABC het Woensdag berig dat een van die kinders gesterf het, maar die polisie kon dit nog nie bevestig nie.
- Volg Nuus24 op Twitter.
- SAPA