Sewentien beseer in Durban-botsing

2011-05-01 10:55

Durban - Sewentien mense is beseer in 'n botsing Saterdag tussen 'n taxi en 'n motor in Phoenix noord van Durban, het RSG berig.

'n Woordvoerder van Netcare 911, Jefferey Wicks, het gesê die ongeluk het by 'n aansluiting gebeur.

Die beseerdes is op die toneel behandel voordat hulle in verskeie klinieke en hospitale opgeneem is.

In nog 'n ongeluk in die stad is 'n vrou en haar dogter op die M7 beseer. Die bestuurder van die ander voertuig is ongedeerd. 

Volg Nuus24 op Twitter.

- RSG

- SAPA