Seuns vermoor glo ma (75) in huis

2013-02-18 12:33

Johannesburg – 'n Bejaarde vrou is na bewering in Winterveldt, noord van Pretoria, deur haar twee seuns vermoor, het die polisie Maandag gesê.

Ao. Llifi Ramatlo, polisiewoordvoerder, het gesê Kate Legodi (75), die eienaar van 'n dagsorgsentrum, is Donderdag verskeie kere in haar huis gekap.

Ramatlo het gesê een van haar seuns (43) is in hegtenis geneem en die vrou se 40-jarige aangenome seun is steeds op vrye voet.

"Die verdagte is dieselfde dag in hegtenis geneem. Hy verskyn Maandag in die Ga-Rankuwa-landdroshof."

Hy het gesê Legodi se lyk is Donderdag deur 'n werknemer in haar aangenome seun se kamer gevind.
      
– Volg Nuus24 op Twitter

- SAPA