Seuns verdrink by Boskopdam

2012-02-04 23:00

Johannesburg – Twee kinders het Saterdag by die Boskopdam in Noordwes verdrink toe hulle na bewering by 'n nat wal afgegly en in 'n poel beland het.

Albei die kinders, seuns tussen ses en agt jaar oud, het saam by die wal afgegly.

'n Lid van die publiek het opgemerk dat die seuns nie weer bo die oppervlak verskyn nadat hulle in die poel geval het nie.

Hy het onmiddelik die owerhede in kennis gestel.

ER24-nooddienste het by die toneel aangekom en gevind dat albei kinders verdrink het.

Hulle is later op die toneel dood verklaar.

Volg Nuus24 op Twitter.