Seun weer in hof vir moord op predikant-pa

2012-12-12 08:14

Harrismith – Die vermeende moordenaars van 'n predikant en sy aanstaande skoonseun verskyn binnekort weer in die dorp se landdroshof.

Ds. Willem Brits en Gerhardus Vermeulen is verlede maand by die dominee se pastorie op ‘n grusame wyse vermoor. Brits se aangenome seun, Martin, en ‘n ander man is in verband met die moord vasgetrek.

Brits sr. se vrou, Dorothea, is in die voorval beseer. OFM berig sy gaan moontlik later die week uit die Mediclinic Bloemfontein ontslaan word en by 'n rehabilitasie-eenheid opgeneem word.

Amanda Appelgryn, ‘n woordvoerder vir die hospitaal, het aan die radiostasie gesê die pasiënt kan al self regop sit en praat.

'n Maatskaplike werker het haar verlede naweek van haar man se dood en die inhegtenisneming van haar seun ingelig. Sy ontvang daagliks berading.

Volg Nuus24 op Twitter