Seun vas vir moord op ouers
2010-08-30 05:21
Johannesburg – ‘n 18-jarige seun is Sondag in hegtenis geneem nadat hy glo twee mans gehuur het om sy ouers in Standerton dood te maak, het die polisie in Mpumalanga gesê.
Die pa (43) en 37-jarige ma is dood in hul huis aangetref, het kapt. Leonard Hlathi gesê. Albei het talle steekwonde gehad.
Volgens hom het die twee gehuurde mans, onderskeidelik 20 en 22 jaar oud, glo die paartjie Saterdagoggend omstreeks 03:00 doodgemaak en met die paartjie se motor weggery.
“Die kar het 14km buite Standerton onderweg na Johannesburg omgeslaan. Die 22-jarige is op die toneel dood en die 20-jarige is in ‘n kritieke toestand na ‘n hospitaal geneem,” het Hlathi gesê.
Volgens Hlathi het die voorlopige ondersoeke getoon dat die seun sy ouers laat vermoor het om geld van hul versekeringspolisse te kry.
Die twee mans is na bewering R250 000 vir die moord belowe.
‘n Deposito van R1 000 is glo aan hulle betaal en die res sou aan hulle gegee word wanneer die versekeringspolisse uitbetaal.
Volg Nuus24 op Twitter.
- SAPA