Seun sterf toe hek op hom val
2011-04-21 23:00
Johannesburg – ‘n Sewejarige seun het gesterf nadat die voorhek van sy ouerhuis in Eastcliff bo-op hom geval het, het paramedici gesê.
“Die reuse-hek het ontspoor en bo-op die seun geval,” het Derrick Banks, ER24-woordvoerder, gesê.
“Na bewering het hy die hek te ver gestoot en het dit omgeval.”
Volgens Banks het die gesin die harde slag gehoor en dadelik uit die huis gehardloop.
“Hulle het die seun onder die hek uitgehaal en noodbehandeling (CPR) op hom toegepas tot paramedici op die toneel opgedaag het,” het Banks gesê.
Paramedici het vir langer as ‘n uur onverpoos gewerk om die seun se lewe te red. Hy het egter omstreeks 17:00 op die toneel aan sy beserings beswyk.
Volg Nuus24 op Twitter.
- SAPA