Seun sterf, ma beseer in motorfietsongeluk

2012-09-23 22:55

Johannesburg – 'n Man is dood en sy ma beseer in 'n motorfietsongeluk in Haldonweg in Bloemfontein, het paramedici Sondag gesê.

Derrick Banks, woordvoerder van ER24, het gesê met paramedici se aankoms op die toneel het die ma en seun meters ver van die motorfiets af gelê.

"Paramedici het twee ondersoek en gevind dat die manlike pasiënt, wat vermoedelik die seun van die vrou is, weens sy beserings beswyk het. Hy is op die toneel dood verklaar," het Banks gesê.

"Die vrou is vir nek- en rugbeserings behandel en is na 'n nabygeleë hospitaal geneem vir verdere mediese behandeling."

Banks het gesê die ma en seun was ten tyde van die ongeluk op die motorfiets en geen ander voertuie was in die ongeluk betrokke nie.

Owerhede sal die oorsaak van die ongeluk ondersoek.
      
– Volg Nuus24 op Twitter

- SAPA