Seun gered ná pa hom by brug wou afgooi
2010-03-23 12:00
Johannesburg - Die voormalige provinsiale minister van openbare werke Christian Martin het 'n vyfjarige seun gegryp voor sy pa hom by die Van Stadens-brug kon afgooi, berig The Herald Online.
Martin was Saterdag op pad Hankey toe in die Oos-Kaap en het naby die brug stilgehou toe hy 'n polisieman met die man sien onderhandel.
Die man het gedreig om sy seun by die brug af te gooi en dan self af te spring.
Hy het toe aan die man gesê hy moet dink aan die kind wat so bang is.
Ná 'n ruk het die man kalmeer. Martin het toe nader gegaan en die seun gegryp toe een van die polisiemanne sy pa se aandag afgetrek het.
Martin het gesê hy het die premier, Noxolo Kiviet, van dié voorval in kennis gestel.
'n Voorstel is gemaak om 'n reuse-versperring wat mense verhoed om af te spring op te rig, maar sedert dié voorstel in 2008 gemaak is, is niks nog uitgerig nie.
Verlede Woensdag was Zalisile Mginywa (32), 'n verkeersbeampte, die 75ste persoon watby dié brug wou selfmoord pleeg.
– Sapa
