Sesjarige sterf toe motor hom langs pad tref

2012-01-11 15:16

Johannesburg – ‘n Sesjarige seun het in ‘n ongeluk in Soweto gesterf, het die Gautengse paramedici gesê.

Jeffrey Wicks, ‘n woordvoerder vir Netcare 911, sê die seun het Dinsdagaand langs ‘n pad gestaan toe ‘n bestuurder beheer oor sy motor verloor en hom getref het.

Die kind se lyk is op die sypaadjie gevind.

Wicks sê dit is nie bekend hoekom die seun so laat in die straat was nie.

Die motoris is nie beseer nie.

Volg Nuus24 op Twitter

- SAPA