Seun (3) kritiek na slangpik
2010-01-11 11:45
Durban – ‘n Driejarige seun is in Kelso in die suide van Durban deur ‘n slang gepik, het nooddienspersoneel Maandag gesê.
“Na bewering het die seuntjie op sy fiets gery en toe op die slang geval. Daar is nog nie duidelikheid of dit ‘n kobra of pofadder is wat hom gepik het nie,” het Jeff Wicks, Netcare 911-woordvoerder, gesê.
Die seun is na die Kingsway-hospitaal geneem en later weer na ‘n ander hospitaal in Durban oorgeplaas.
Hy was in ‘n kritiek maar stabiele toestand.
–Sapa