Seun (11) doodgeskiet in rooftog
2010-02-02 14:01
Johannesburg – ‘n Elfjarige seun is in tydens ‘n rooftog by ‘n kleinhandelaar-winkel in Bethanie doodgeskiet, het die Noordwes-polisie Dinsdag gesê.
“’n Man wat langs ‘n kleinhandelaar-winkel in Bapong woon, het omstreeks 01:30 skote in die winkel hoor afgaan. Die man het gaan ondersoek instel en die liggaam van ‘n 11-jarige seun gevind,” het supt. Lesego Metsi gesê.
Die rowers het met ‘n onbekende bedrag geld gevlug, asook kruideniersware.
Die polisie het die publiek gevra om na vore te kom met enige inligting.
- Sapa