Sesjarige sterf in tref-en-trap
2009-08-15 19:04
Johannesburg – ‘n Sesjarige seun is dood in ‘n tref-en-trap ongeluk in Edendale naby Pietermaritzburg, het mediese werkers Saterdag gesê.
Chris Botha, woordvoerder van Netcare 911, het gesê dat die seuntjie in ‘n kritieke toestand was toe mediese werkers op die toneel aangekom het.
“Mediese werkers het vir meer as ‘n uur probeer om hom by te kry, maar hy is ongelukkig op die toneel dood as gevolg van sy ernstige beserings.”
Die ongeluk het op Plessislarstraat plaasgevind.
“Die bestuurder het nie eers gestop nie,” het hy bygevoeg.
Die polisie was nie dadelik beskikbaar vir kommentaar nie.
- Sapa