Sesjarige se lyk in kanaal gevind

2013-01-10 16:37

Johannesburg – Die lyk van ‘n sesjarige seun is in die Vaalharts-kanaal in die Magogong- informele nedersetting naby Taung gevind, het die polisie in Noordwes Donderdag gesê.

Die seun is Woensdag as vermis aangemeld nadat hy die laaste keer gesien is waar hy saam met sy vriende naby die kanaal gespeel het. Sy lyk is later die dag gevind, het kapt. Pelonomi Makau gesê.

“Werkers langs die kanaal geloop en dit skoongemaak het, het op die lyk afgekom,” het Makau gesê.

Die polisie het met 'n geregtelike doodsondersoek begin.

In ‘n ander voorval is die ontbinde lyk van ‘n vrou Dinsdag in bosse langs die N4 tussen Swartruggens en Rustenburg gevind.

Makau het gesê die lyk is deur ‘n plaaswerker gevind wat die polisie in kennis gestel het.

“Volgens bewerings is die oorledene moontlik vermoor en die lyk is twee weke gelede in die gebied agtergelaat.”

Die slagoffer het ‘n blou denimbroek, swart skoene, ‘n swart gordel en ‘n bruin hemp aangehad.

Die oorledene se familielede is nog nie opgespoor nie.

Enigiemand met inligting word gevra om die polisie te kontak.

– Volg Nuus24 op Twitter
 

- SAPA