Ses vas wat Mandela-rylaan 'herdoop'
2011-07-18 19:27
Johannesburg – Ses mans is in hegtenis geneem toe hulle na bewering plakkers gebruik het om Nelson Mandela Rylaan tot Clive Derby-Lewis Rylaan te herdoop op aanwysingsborde in Pretoria, het die polisie Maandag gesê.
Volgens lt. kol. Tshisikhawe Ndou is die ses mans Sondagaand deur kringtelevisiekameras in Nelson Mandela Rylaan in Sunnyside betrap.
“Die polisie het hul na die toneel gehaas en die ses mans, wat verskeie ‘vervangings’-plakkers in hul besit gehad het, daar betrap. Hulle is in hegtenis geneem en na die Sunnyside-polisiekantoor geneem.”
Hulle het geweier om hul optrede aan die polisie te verduidelik.
Die mans, tussen die ouderdomme van 25 en 38, word aangekla van opsetlike saakbeskadiging en sal na verwagting Dinsdag in die Pretoria-landdroshof verskyn. Volgens Ndou word die mans nie met enige regse bewegings verbind nie.
Derby-Lewis, ‘n voormalige politikus van die Konserwatiewe Party, dien lewenslange tronkstraf uit vir sy rol in die sluipmoord op die sekretaris-generaal van die SAKP, Chris Hani, in 1993.
- Volg Nuus24 op Twitter
- SAPA