Ses polisiebeamptes vas vir bedrog
2009-11-06 12:22
Johannesburg – Ses polisiebeamptes sal Vrydag in die Machadodorp landdroshof verskyn vir hulle beweerde betrokkenheid in die vervaardiging van vals universiteit-, matriek-, bestuurs- en vakmanskap-kwalifikasies, het polisie van Mpumalanga gesê.
Kapt. Leonard Hlathi het gesê dat ‘n 25-jarige man wat die vals sertifikate gemaak het ook in die hof sal verskyn. Hy is Donderdag na ‘n leidraad in hegtenis geneem.
Die 25-jarige het probeer om homself glo in ‘n huis in die Emthonieni buurt naby Machadodorp toe te sluit toe die polisie opgedaag het om hom in hegtenis te neem.
Toe hulle die deur oopkry het hulle ook ‘n verskeidenheid rekenaar-hardeskywe, drukkers, vervalsde DVD’s en CD’s, rekenaarprogramme en ‘n masjien om ATM bankkaarte te druk gevind.
Die man het glo R50 gevra vir ‘n vals, gesertifiseerde kopie en R350 vir ‘n oorspronklike, maar meeste mense het die kopieë gekies.
Volgens Hlathi sal nog 13 polisie reservis konstabels oor die naweek aangekla word vir bedrog en vervalsing.
“Al die reservis konstabels wat met die vervalsde sertifikate probeer het om by die polisie in te kom se toekoms by die polisie lyk maar sleg, want ons het nie plek sulke mense in die polisiediens nie,” het Hlathi gesê.
- Sapa