Ses jong mans vir inbrake vasgetrek

2012-10-19 12:48

Johannesburg – Ses mans wat van ‘n rits huisbrake in Butterworth in die Oos-Kaap verdink word, is in hegtenis geneem, het die provinsie se polisie gesê.

Kapt. Jackson Manatha sê die mans – tussen die ouderdomme van 18 en 25 – is by die Yako- informele nedersetting aangekeer.

“Die meeste gesteelde goedere is in die verdagtes se hutjies gevind. Sommige van die items het skootrekenaars, televisies, kameras en klere ingesluit.”

Die waarde van die besittings beloop R120 000.

Die verdagtes sal Maandag in die Butterworth-landdroshof verskyn op aanklagte van huisbraak en diefstal.

Volg Nuus24 op Twitter   

- SAPA