Ses beseer in bakkie-ongeluk
2010-09-07 17:24
SA – Ses mense, insluitende ‘n vierjarige meisie, is beseer nadat die bakkie waarin hulle was Dinsdagoggend beheer verloor het op die N3-noord naby Balgowan.
Met ER24 se aankoms het die bakkie in die pad gestaan met groot skade aan die kant van die voertuig.
Die vyf beseerdes, insluitende ‘n vierjarige meisie, het langs die pad gesit en is vir ligte beserings behandel.
Die sesde passasier, wat na bewering die ouma is, is aan die onderkant van ‘n wal gevind.
Die bejaarde het moontlike nek- en rugbeserings opgedoen. Sy is op die toneel gestabiliseer en in ‘n ambulans geplaas.
Al die beseerdes is na die Pietermaritzburg Medi-Clinic en Northdale-hospitaal geneem vir verdere mediese behandeling.
Die is nie bekend wat daartoe gelei het dat die bestuurder beheer oor die bakkie verloor het en in die versperring vasgery het nie.
As daar ‘n kap op die bakkie was sou die passasiers waarskynlik nie uitgegooi gewees het nie, het ER24 gesê.
Nuus24
Volg Nuus24 op Twitter