Semen op ET se lyk gevind
2010-04-19 09:03
Johannesburg – Volgens die woordvoerder van genl. Bheki Cele, polisiehoof, is daar semen gevind op die lyk van die ontslape AWB-leier, Eugene Terre’Blanche.
“Sy lyk was half kaal en daar was semen op sy geslagsdele. Dit is nie nuwe inligting nie en was nog altyd deel van die bewyse,” het Nonkululeko Mbatha gesê.
Na bewering was die semen deel van die bewyse wat ondersoek word en volg die polisie ook ander leidrade op.
Cele het aan ‘n Sondagkoerant erken dat die seksbewerings sedert die “eerste dag” daar was omdat Terre’Blanche se broek afgetrek was en daar “semen op hom gevind” is.
“Ons weet egter tot vandag toe nie waar die vraag oor die kondoom vandaan kom nie.
“Die kondoomkwessie het nie ter sprake gekom nie, selfs nie eens op Vrydag 9 April toe ek begrafnis toe is en ná die tyd ’n inligtingsessie (deur die ondersoekspan) bygewoon het nie,” het Cele gesê.
Meer inligting oor die bewerings sal waarskynlik tydens die twee verdagtes se verhoor duidelik word.
- Sapa