Selebi se prokureurs, griffier vergader
2011-12-05 11:09
Pretoria – Die voormalige nasionale polisiehoof Jackie Selebi se prokureurs, Wynanda en Fanus Coetzee, het by die Suid-Gautengse hooggeregshof opgedaag en is in 'n vergadering met die griffier van die hooggeregshof.
Die prokureurs het versoek dat hy eers oor 'n week met sy vonnis begin. Dit is nie bekend of 'n regter of griffier dié besluit moet neem nie.
Selebi het Vrydag by sy huis in Waterkloof, Pretoria, ineengestort toe hy hoor sy aansoek om appèl het misluk.
Terwyl gerugte die ronde doen dat Selebi se gesondheid hom uit die tronk kan hou, berig Eyewitness News dat hy weens komplikasies met diabetes moontlik 'n orgaanoorplanting kan ondergaan.
Selebi ondergaan glo dialise, en dis volgens sommige berigte moontlik dat hy ook 'n beroerte gehad het.
Selebi moes hom by korrektiewe dienste in Johannesburg oorgee nadat sy aansoek om appèl teen sy skuldigbevinding op aanklag van korrupsie Vrydag misluk het.
Hy is 15 jaar tronkstraf opgelê.
– Lees meer hier
– Volg Nuus24 op Twitter