Selebi kon nie geld verklaar
2011-11-02 14:16
Bloemfontein – Die voormalige polisiehoof Jackie Selebi het groot somme geld gehad wat hy nie kon verduidelik nie, het die appèlhof Woensdag gehoor.
Dít het adv. Gerrie Nel, vir die staat, in Selebi se appèlverhoor aangevoer.
Regter Meyer Joffe het Selebi in Augustus verlede jaar in die Johannesburgse hooggeregshof tot 15 jaar tronkstraf gevonnis weens sy korrupte verhouding met Agliotti.
Regter Suretta Snyders het in reaksie op Nel se stelling gesê Selebi sal nie die eerste persoon wees wat van geld hou nie.
"Maar die geld kon nie verduidelik word nie," het Nel gesê. Hy het gesê die gemiddelde individu sal weet dat geld wat in 'n rekening deponeer word, 'n papierspoor laat.
Nel het gesê sy argumente vir die dag sal fokus op sekere aspekte van die bewyse. Dít sluit in die bevindinge van 'n KPMG-verslag en hoe Selebi sy kennis as polisiehoof gebruik het om die saak te beïnvloed.
Hy het gesê die appèlhof moet in gedagte hou dat Selebi die hoof van die Suid-Afrikaanse Polisiediens en Interpol was.
"Hier is iemand wat weet waarna die polisie soek, hou dit in gedagte."
Nel het verder aangevoer dat Selebi in 'n vroeë stadium geweet het watter tipe man Agliotti was.
Die verhoor duur voort.
– Volg Nuus24 op Twitter
- SAPA