Seks-nes by skool oopgekrap
2010-08-13 10:42
Johannesburg – Die departement van onderwys in Gauteng het drie onderwysers afgedank nadat hul glo gekoppel kan word aan seksuele misdrywe by die Laerskool Filadelfia, noord van Pretoria.
‘n Vierde onderwyser het glo bedank alvorens die dissiplinêre verhoor afgehandel kon word. Na bewering word nog vyf ander personeellede by die skool ook by die seksuele misdrywe betrek.
“Die departement het inligting ontvang dat nege personeellede by die skool in seksuele misdrywe met leerlinge betrokke was,” het Charles Phahlane, woordvoerder, gesê.
“Drie onderwysers is reeds skuldig bevind en afgedank. Hulle het tot die einde van die week om appèl aan te teken.”
Al nege onderwysers was glo betrokke by dieselfde meisie, maar sommiges kan ook aan seksuele misdrywe met ander leerlinge gekoppel word.
Die aanklagte is ook na die Suid-Afrikaanse Raad vir Opvoeders (Sace) verwys vir verdere stappe.
Volgens die departement is daar geen plek vir hierdie tipe optrede in die onderwys nie.
Volg Nuus24 op Twitter.
- SAPA