Sataniese ritueel: saak uitgestel
2012-01-17 16:01
Johannesburg – Ses jeugdiges wat daarvan aangekla word dat hulle twee meisies glo tydens ‘n sataniese ritueel aan die brand gesteek het, sal op 2 Februarie weer in die Johannesburg-landdroshof verskyn.
Aanklaer Colleen Ryan sê die saak is Dinsdag uitgestel, aangesien “daar eers omgesien moet word na ’n sekere aspek voordat hulle aangekla kan word.”
Sy het geweier om verder uit te brei.
Dinsdag se verrigtinge is in camera gehou, aangesien een van die beskuldigdes, ‘n 15-jarige meisie, nog ‘n minderjarige is.
Ryan het gesê die volgende verskyning sal by die landdroshof aangehoor word, maar dat die saak binnekort na die hooggeregshof in Johannesburg oorgeplaas sal word.
Kirsty Theologo (18) is op 21 Oktober op ‘n koppie agter die Linmeyer-swembad in Julius-straat, Johannesburg, met petrol gegooi en aan die brand gesteek.
Sy is ‘n week later in die Chris Hani Baragwanath-hospitaal dood.
Haar 14-jarige vriendin is ook aan die brand gesteek, maar het die voorval oorleef.
Lindon Wagner (21), Robin Harwood (18), Harvey Isha (23), Lester Moody (18) en Jeremy King (18) is steeds in aanhouding.
Hulle is in November borgtog verwyder.
Die 15-jarige meisie is in die sorg van haar ouers vrygelaat.
– Volg Nuus24 op Twitter
- SAPA