Sasolburg-storm eis bejaarde vrou

2013-01-02 12:39

Johannesburg – ‘n Bejaarde vrou het gesterf en 105 ander mense is beseer nadat 'n hewige storm Sasolburg getref het, het ‘n munisipale beampte gesê.

Gino Alberts, ‘n woordvoerder vir die munisipaliteit, kon nie bevestig hoe die oorledene dood is nie.

Sapa berig swaar reënbuie het Dinsdag omstreeks 21:00 die township Amelia getref.

Die burgemeester, Brutus Mahlaku, het aan die SABC gesê sowat 1 000 huise is ook in die storm beskadig.

Alberts sê die beserings strek van magtige tot ernstige wonde.

Die weerburo sê die Vrystaat kan Woensdag nog reën verwag.

Volg Nuus24 op Twitter