Sardyn stormloop begin in KZN
2009-07-27 16:14
Durban – Die ontwykende sardyne het twee maande ná plaaslike en internsionale toeriste hulle verwag het eindelik hul opwagting in KwaZulu-Natal gemaak.
“Vanoggend (Maandag) was daar intense aktiwiteit vanaf Groenpunt en Scottburgh en suid van Mtwalumi en by Hibberdene. Meeste van hulle by die agterlyn,” het Mike Anderson-Reade, adjunkuitvoerende beampte van die Natalse Haairaad, gesê.
“Dinge lyk goed, maar daar is branders van 1,5 m so ek twyfel dat hulle vanoggend enige iets gaan vang. Sodra die gety sak kan dinge verbeter.”
Daar was twyfel dat die sardyne ooit by dié kus gaan aankom omdat hulle tussen Junie en Julie jaarliks hul opwagting maak.
Die haainette was verlede week teruggesit amper twee maande ná dit verwyder is omdat die sardynloop gewoonlik haaie en dolfyne na die kus bring.
Anderson-Reade het gesê die sardynskool is nie groot nie maar “hier en daar”.
Hy het gesê haainette is by strande tussen Isipingo en Umtentweni verwyder.
“Seegebruikers moet by menseredders op die strand hoor of hulle mag swem.”
Belangstellendes kan 082 284 9495 bel vir verdere inligting.
SAPA