Sandton-sentrum: Veiligheidsman val hom dood

2013-02-20 11:35

Johannesburg – ‘n Veiligheidsbestuurder van die Sandton Konferensiesentrum het in ‘n hospitaal aan sy beserings beswyk nadat hy by die gebou geval het, het die sentrum gesê.

“Daar was vanoggend ‘n ongeluk. Ons veiligheidsbestuurder, Michael Ndlovu, het per ongeluk tydens ‘n inspeksietoer geval. Hy is per helikopter na ‘n hospitaal geneem, waar hy ongelukkig gesterf het,” het die uitvoerende direkteur, Mati Nyazema, gesê.

Sy sê die oorledene se naasbestaandes is reeds in kennis gestel.

Kapt. Kim Cloete sê die man het sowat tien meter ver geval. Sy het bevestig dat hy in die Milpark-hospitaal dood verklaar is.

Cloete sê die voorval word ondersoek.

Volg Nuus24 op Twitter

- SAPA