Sanders-verdagtes moet nog pleit

2012-10-08 14:25

Johannesburg – Die drie mans wat daarvan aangekla word dat hulle die bokslegende Corrie Sanders vermoor het, het in die Brits-landdroshof verskyn.

Die SABC berig Paida Fish, Chris Moyo en Samuel Mabena se hofsaak is tot 22 Oktober uitgestel. Hulle word elkeen van een aanklag van moord en drie aanklagte van roof met verswarende omstandighede beskuldig.

Volgens die openbare uitsaaier het Fish en Moyo regsverteenwoordigers in die hof gehad.

Die saak is uitgestel sodat Mabena aansoek om regshulp kan doen. Hy het ook vlugtig vir ‘n ander moord in die hof verskyn.

Mabena word ook daarvan beskuldig dat hy verlede maand ‘n boer naby Brits vermoor het.

Hy en sy medebeskuldigdes sal in aanhouding bly. Hulle is nog nie gevra om te pleit nie.

Die verdagtes het ook nog nie aangedui of hulle aansoek om borgtog gaan doen nie.

Volg Nuus24 op Twitter