Sanders-moord: 10111 'help nie in Noordwes'
2012-10-23 09:41
Video - Sanders-moordverdagtes in hof
Die mans wat na bewering die bokslegende Corrie Sanders vermoor het, het in die Brits-landdroshof verskyn. Kyk die video hier.
KYK
Johannesburg – Terwyl die skote geklap het wat tot die boksgelende Corrie Sanders se dood gelei het, het ’n familielid van hom vergeefs probeer om die polisie deur middel van die 10111-noodnommer te ontbied, het Beeld Dinsdag berig.
Die persoon wat die 10111-nommer geantwoord het, het glo gesê hulle kan nie help nie, omdat dié nooddiens glo nie oproepe vir die Noordwes hanteer nie.
Sanders se broer, Mike, het Maandagoggend volgens Beeld voor die verskyning van drie verdagtes in die Brits-landdroshof dié inligting met Nantes Kelder, hoof van AfriForum se ondersoekeenheid, gedeel.
’n Skoonsuster van Sanders het, terwyl die skote by ’n restaurant geklap het, die noodnommer gebel. Die oproep het slegs 32 sekondes geduur.
“Hulle het vir haar iets gesê van Brits val in Noordwes en hulle ‘deal’ nie daarmee nie,” het Mike volgens die dagblad gesê.
– Lees hier meer.
– Volg Nuus24 op Twitter.
- Beeld
