Sakereus betaal R50 000 vir 'n plek langs Zuma

2012-12-08 14:44

Johannesburg – Die sakereus Patrice Motsepe het glo R50 000 betaal om tydens 'n gala-ete, wat op die vooraand van die ANC se nasionale verkiesingskongres in Mangaung gehou word, langs pres. Jacob Zuma te sit, berig iol.

Die presidentstafel van 10 het die regerende party sowat R500 000 in sak gebring deur die Progressiewe Sakeforum (PBF), wat geld tydens ANC- en ander geleenthede insamel.

Motsepe word gereeld by ANC-funksies gesien en het al verskeie kere aan die presidentstafel gesit.

Om 'n tafel met 'n kabinetslid of adjunkminister te deel is heelwat goedkoper.

Die minimumprys is R2 500 per bord vir die gala-ete wat afskop met salm en eindig met 'n sjokolade-nagereg. Al die geregte word bedien met De Wetshof chardonnay, cabernet sauvignon en 'n muskadel om alles af te rond.

– Lees meer hier

– Volg Nuus24 op Twitter

- SAPA