Sadtu verheug oor korrupsie-verslag
2010-06-17 18:08
Durban - Die Suid-Afrikaanse Demokratiese Onderwysersunie (Sadtu) in KwaZulu-Natal verwelkom die bevindinge van 'n forensiese verslag oor beweerde korrupsie in die onderwysdepartement, het dié vakbond Donderdag gesê.
"Die provinsiale sekretaris van die ANC [Senzo Mchunu] het gesê dissiplinêre stappe sal teen amptenare wat in die verslag uitgewys is, geneem word," het Mbuyiseni Mathonsi, Sadtu se provinsiale sekretaris van KwaZulu-Natal, gesê.
Mchunu het die ondersoek van stapel gestuur in reaksie op bewerings van Sadtu in 2009 dat sommige topamptenare in die onderwysdepartement korrup is.
Mchunu het Dinsdag gesê die departement oorweeg dissiplinêre optrede en selfs strafregtelike vervolging teen amptenare.
Sadtu voel egter die volle verslag moet vrygstel word, het Mathonsi gesê.
"Ons sal 'n brief aan Mchunu skryf om hom te vra om die verslag vry te stel," het hy gesê.
– Volg Nuus24 op Twitter
- SAPA