Sadtu: Gee voorkeur aan swart matrikulante
2010-12-01 11:38
Pretoria – Die KwaZulu-Natalse tak van die onderwysersvakbond Sadtu het glo gevra dat nasieners lig moet merk as hulle swart matrikulante se vraestelle nasien.
Mbuyiseni Mathonsi, Sadtu-woordvoerder, het glo ‘n beroep op nasieners gedoen om voorkeur te gee aan swart matrikulante wanneer hulle vraestelle merk.
“Die nasieners moet in gedagte hou dat die swart matrikulante nie in hulle moedertaal skryf nie en dat hulle ook geaffekteer is deur die staking vroeër vanjaar,” het Mathonsi glo gesê.
Sadtu was een van die onderwysersvakbonde wat vroeër vanjaar gestaak het.
Nomusa Cembi, Sadtu se nasionale woordvoerder, kon nie vir kommentaar bereik word nie.
Volg Nuus24 op Twitter.
- SAPA