Sactwu skenk R1 miljoen om plaaswerkers te help
2013-02-10 12:10
Johannesburg – ‘n Skenking van R1 miljoen deur Sactwu is om plaaswerkers te help om tot ‘n vakbond te verenig, nie om ‘n nuwe vakbond te vorm nie, het hy Sondag gesê.
“[Die skenking] is om Fawu by te staan om plaaswerkers in ‘n vakbond te kry,” het Andre Kriel, algemene sekretaris van die klerewerkersvakbond, in ‘n verklaring gesê.
Kriel het Saterdag tydens ‘n vergadering van die Food & Allied Workers' Union (Fawu) in Guguletu, Kaapstad, gepraat.
Sactwu en Fawu is beide geaffilieer met die Congress of SA Trade Unions (Cosatu).
Kriel sê die skenking is sodat ‘n werwingspan gehuur kan word en Fawu-kantore in De Doors opgerig kan word.
Plaaswerkers in De Doorns in die Wes-Kaap het verlede jaar gestaak en gevra dat die minimum dagloon van R69 na R150 moet toeneem.
Mildred Oliphant, die minister van arbeid, het Maandag ‘n minimum loon van R105 ‘n dag vir plaaswerkers bekendgemaak. Dit sal van 1 Maart hierdie jaar in werking tree.
– Volg Nuus24 op Twitter
- SAPA
