Saak van bedrog kom teen Lekota
2012-02-05 09:54
Johannesburg – ‘n Saak van bedrog is teen die Cope-leier, Mosiuoa Lekota, geopen, het die Sunday Times berig.
Kapt. Frederick van Wyk, woordvoerder vir die Wes-Kaapse polisie, het bevestig dat ‘n saak van bedrog geopen is.
Die saak kom enkele dae nadat Lekota die party se tesourier, Hilda Ndude, afgedank het weens beweerde finansiële wanbestuur.
Mbulelo Ncedana, Wes-Kaapse leier van Cope, het Vrydag die klag teen Lekota gelê. Ncedana beskuldig Lekota van korrupsie en wanbestuur.
Lekota was nie bewus van die saak nie en het die aantygings ontken.
“Die bewering is nonsens. Wanneer ‘n misdadiger jou mislei, maak dit jou ‘n misdadiger?” het hy gesê.
Volg Nuus24 op Twitter
- SAPA