Saak teen taximan uitgestel
2011-12-06 17:53
Johannesburg – Die saak teen 'n taxibestuurder wat daarvan beskuldig word dat hy 'n Johannesburgse advokaat onder sy taxi gesleep het, is in die Randburg-landdroshof tot aanstaande jaar uitgestel.
Matome Thamage (30) staan tereg op aanklagte van poging tot moord en roekelose en nalatige bestuur.
Thamage het Kim McCusker na bewering omgestamp en meters ver gesleep nadat hy teen die voertuig waarin sy en haar verloofde, Lourens Grobler, gery het, gebots het.
Die ongeluk het in September plaasgevind en McCusker is in November uit die hospitaal ontslaan.
Thamage is uit op borgtog van R5 000.
Die saak is vir verdere ondersoek uitgestel.
– RSG
– Volg Nuus24 op Twitter