SABC kry nuwe baas
2009-12-16 02:20
Johannesburg - Die sukkelende openbare uitsaaier, SABC, het Solly Mokoetle as sy nuwe uitvoerende hoof aangestel.
"Die besluit om mnr. Mokoetle aan te stel is gebaseer op sy ondervinding en sy bewese rekord by die SABC," het Irene Charnley, tussentydse voorsitter van die SABC-raad, gesê.
"Die raad is vol vertroue dat dié aanstelling die SABC kan omkeer."
Mokoetle, wat die SABC se bedryfshoof tussen 2001 en Desember 2006 was, het 'n vyfjaarkontrak geteken.
Dié kontrak is geldig vanaf 1 Januarie.
– Sapa